Xiaomi kompaniyasi innovatsion gadjet — Mijia Dictionary Pen C1 tarjimon ruchkasini taqdim etdi. Ushbu qurilma matnni ilg‘or aniqlash texnologiyasi, ovozli qidiruv va o‘rganish funksiyalari bilan tillarni o‘rganishni qulay va samarali qiladi.
Ruchkada 32 GB xotira mavjud bo‘lib, unga 26 milliondan ortiq lug‘at maqolalari kiritilgan. Qurilma so‘zlarni bor-yo‘g‘i 0,3 soniya ichida aniqlaydi. Gadjet onlayn va oflayn rejimlarda ishlaydi, bu esa uni istalgan sharoitda foydali qiladi.
Mijia C1 asosiy funksiyalari:
Ovozli qidiruv va so‘zlar haqida batafsil ma’lumot beruvchi sun’iy intellekt algoritmlari;
Foydalanuvchining bilim darajasiga moslashish orqali individual o‘rgatish;
Maxsus ilova orqali statistik ma’lumot yig‘ish va rivojlanishni kuzatish imkoniyati.
Qurilma 100 kungacha kutish rejimida ishlaydi. Yangilikning narxi 48 dollar bo‘lib, hozirda Xitoy bozorida sotuvda mavjud.